Ngeviki eledlule uMhlonishwa ophathiswe uMnyango wamaPhoyisa uCharles Nqakula wehlelwe yisehlo sokutholwa ekhombise ukungahloniphi isinqumo senkantolo wafanelwa ukuboshwa. 

IJaji kaligcinanga nje ngokuthethisa abasebenzi bomnyango wamaphoyisa, kodwa ledlulele ekubekeni icala kuNgqongqoshe Charles Nqakula siqu sakhe ngokungahloniphi isinqumo esenziwa evinkini elendulela lelo. Inkantolo yanquma ukuba amaphoyisa akhe imijondolo yabantu eMoreleta Park. Lokho kwenziwe engakapheli amahora alishumi nambili. Isinqumo senkantolo salandela isenzo samaphoyisa sokucekela phansi imijondolo ngesikhathi kuvinjezelwe kuleyandawo. 

Ngenkathi uNgqongqoshe ephambi kwenkantolo abasele dengwane phakathi kwabo kukhona abesifazane nezingane babengenayo indawo yokukhosela. IJaji uBill Prinsloo w agweba uNgqongqoshe ukuba afakwe ejele ngaphndle kokuchitha isikhathi.

Ukudedelwa kwakhe kwakuzohambelana nesinqmo sokuvuselelwa kwemijondolo. IJaji lengeza ngenhlawulo ka R10,000.

Ngabe loluchungechenge lwezehlakalo lwedlulisa muphi umlayezo ngezwe lakithi kanye nohulumeni wethu? 

Akungatshazwa ukuthi singofakazi bokuqoqelwa kwamandla ndawonye ekomkhulu likahulumeni. Umbuso usuqhoqhobele onke amandla angabe asemphakathini. Amandla asezinze ndawonye kusukela komasipala kuya ezifundazweni kugcine kuzwelonke.

Ngokunjalo ezokulungiswa, ezokushaywa komthetho kanye nokuphathwa kukahulumeni kulawulwa komkhulu ePitoli. Isenzo sikaNgqongqoshe uNqakula sifakazela lesisimo esingazihluphi ngezimfuno zalabo abahlukumezeke. 

Yilesisimo sokuqhoqhobalwa kwamandla nokulawulwa yingcosana ebambisene neqembu elibusayo esesibenomphumela wokungahlangabezwa kwezidingo zabantu ngendlela egculisayo. Umbuso awenzi okwenele ukukhuthaza ukudaleka kwamathuba omsebenzi, ukuhlangabeza izidingo ezinqala zabantu kanye nokuvikela umphakthi. Konke lokhu kubeka ukuvikeleka komphakathi engcupheni. 

Kulesisimo esibi isekhona inhlansi ekusebenzeni kwezinkantolo namajaji, Lokhu kufakazelwa yisinqumo sejaji elinesibindi. Sithi phambili Jaji Prinsloo.

nguDokotela Lionel Mtshali ilungu lePhalamende leSifundazwe UMholi weQembu Eliphikisayo

Dr Lionel Mtshali MPP
Leader of the Official Opposition

Contact: Dr Lionel Mtshali, 083 256 4902