UMLAYEZO WEVIKI OVELA KUMHOLI WEQEMBU ELIPHIKISAYO OBHEKISWE KUBANTU BAKWAZULU NATALI
 

February 15, 2007

Bangani nabantu bakithi abathandekayo baseNingizimu ne-Afrika

ElaKwaZulu Natali * ikhaya lethu * ligqolozelwe yizinkinga eziningi.Izinga lokungaqashwa lisalokhu liphezulu. Ubugebengu busaphikelele. Abesifazane bethu nentsha yethu bakhishwa iphela emasini emizameni yentuthuko. Umzimba wombusazwe usungenwe ngushevu wobugovu nenkohlakalo. Izinga lobuqotho ba Phalamende lehlile. Ukuphendula kubantu kuyantuleka. Kuyaqhubeka ukungaphathwa ngendlela kwempahla namalungiselelo ombuso.

Uhulumeni wethu wesifundazwe ukhathalele kakhulu ukuhlela imijaho yezimoto ye-Formula 1 ngaphezu kokuhlinzeka izingane zethu zesikole ngezincwadi zokufunda. Bakha iPhalamende elisha nala singalidingi, ngenkathi behluleka ukwakha ezinye izibhedlela esizidinga kangaka. Olwazini lwami lukahulumeni, sengafumana ukuthi yisamba sezinto ezincane ezenza umehluko oquqabeni lwabantu.

IQembu LeNkatha Yenkululeko (IFP), njengeQembu Eliphikisayo Ngokusemthethweni KwaZulu Natali, likhona ukuqiniseka ngezinto ezincane eziletha ukusizakala emindenini nasemiphakathini ephumelelayo. Kusukela manje kuya phambili, sizoxoxisana nani njengabantu bakulesisifundazwe ngalombiko ozophuma maviki onke. Sizoqondana nezidingo nezilokotho zenu noma yikuphi lapho uhulumeni wesifundazwe engazinaki noma eziziba khona.

Ekubhekaneni nomsebenzi wesifundazwe, ukwenza izinto obala nokuphendula ngokwenziwayo kuzoba yizona ziqubulo zenkolelo yethu, Izindaba zokubusa nokuphathwa kwengcebo yesifundazwe ukuze kusizakale nina, yikho okuzoba phambili emiqondweni yethu. IQembu LeNkatha Yenkululeko (IFP) lizoqiniseka ukuthi kusetshenziswa amakhono neziphiwo zabobonke abantu bakikthi emkhankasweni wethu wentuthuko. Silapha ukuzokhuthaza imigomo engamagugu omndeni nomphakathi endingekayo ukuze nokuthula nesimo esizinzileyo enhlalweni yethu yomphakakathi.

Njengoba leliPhalamende livulelwa ukuhlangana kwemilhlangano yonyaka ka * 2007, ngifuna ukuba nazi ukuthi kukhona umuntu oqaphe phezu kwehlombe likahulumeni, ovikela izidingo zenu kuhulumeni walesisifundazwe. Ngifuna ukuba nazi ukuthi iQembu LeNakatha Yenkululeko (IFP) linimele. Ngiyakhonza kini.

nguDokotela Lionel Mtshali ilungu lePhalamende leSifundazwe UMholi weQembu Eliphikisayo

Contact: Dr Lionel Mtshali, 083 256 4902