Akumangalisi ukuthi kulezinyanga ezingu- 18 ezisele ngaphambi kokhetho lukazwelonke ngo-2009 izinhlelo zokusabalalisa izindaba sezisina aziyabethelana ziphawula ngesimo sesefundazwe sethu kanye neNingizimu Afrika.

Lomkhankaso uyadlondlobala ngendlela engase yakhe umfanekiso walokho okungathathwa njengesinqumo ezicwaningisiwe. 

Loludaba lubukwa ngezinhlangothi ezehlukene yilabo abalushovuzayo. Kolunye uhlangothi kukhona labo abaxoxa ngokukhula ngomkhulu umfutho kwesigaba esisha esiphakathi sezigwili emphakathini emnyama. Izimpawu ezikhuthaza isigaba somacaphuna kusale zisekelwa yimibiko yokuvulelwa kwabo amathuba okuhlomula kunabampofu kakhulu, imihlomulo engakaze ibonwe ezinkundleni zohwebo nasemisebenzini yokuphatha kuhulumeni kanye nokuvuleleka kwesiphethu sengcebo entsha. Isimo okukhulunywa ngaso lapha sikhulisa amathemba ngekusasa eliqhakazile. Kunohlangothi olugqamisa ububha, ukuntuleka kokudla nokwehla ngendlela eyethusayo yamazinga amaholo. Lokhu kushaya kakhulu uquqaba oluphila ezingeni elingaphansi kwesilinganiso esemukelekayo sempilo. 

Uhlelo lwempilo ezweni luvuna abacebile, labo abaxhumene nalabo abathatha izinqumo emazingeni aphezulu kanye nalabo abafunde bagogoda. Siphawula ukuthi isimo esikhula ngamakhulu amandla kasehlukile kuleso esitholakala emiphakathini eyehlukene emhlabeni. 

Ezweni laseNingizimu Afrika udaba lwengcebo nobubha luyaqhubeka ukudidiyelwa nobuhlanga. Abamhlophe bahlale bekhishwa inyumbazane ngengcebo emangalisayo abanayo kanye nempilo yamalungelo akhethekile. Kunobuhlungu bokuthi abamhlophe bezwa iminjunju ngukukhunjuzwa ukuthi amathuba kwezomnotho avalelekile kubo.

Phezu kokuba kenenala yamathuba avuleke kwabamnyama, baningi kakhulu abakhungethwe ububha nendlela abangazuzi lutho. 

Siphawula ukuthi isimo sempilo sivuna abanothile nalabo abaxhumene nezigaba ezithatha izinqumo. Ngokwejwayelekile sikhuluma ngalabo abangenamfutho futhi abangahlonishwa ngaphandle kokuhlabana kwabo emzabalazweni wenkululeko. Okunye okubenzela ugazi yikho ukudlelana neqembu elibisayo. Ukuqhubeka kwesimo sokwenzelela kududulwa yisimo somnotho esisemaketangweni omthetho nokulawulwa yingxiviya yempilo enomsuka emithethweni ebandlulula ngobuhlanga. 

Kuyinhlanhla ukuthi lesisimo singumphumela wokuzigwaza ngowakho. Lomonakalo ungalungiswa ngokushweleza komoya owakhayo. Ngokwejwayelekile loluguquko lwenzeka ngokukhethwa kukahulumeni omusha. Sinethuba elingunyaka nesigamu kusukela manje kuya okhethweni luka- 2009ukuba sincintisane ngokulingana kungabekwe umbandela wobuhlanga. Ithuba lokukhankasa ligcizelela ukudala uguquko.

nguDokotela Lionel Mtshali
UMholi weQembu Eliphikisayo



Contact: Dr Lionel Mtshali, 083 256 4902