UMLAYEZO WEVIKI OVELA KUMHOLI WEQEMBU ELIPHIKISAYO OBHEKISWE KUBANTU BAKWAZULU NATALI
 

February 27, 2007

Bangani nabantu bakithi abathandekayo baseNingizimu ne-Afrika

Sekuphindile futhi ukuba uhulumeni kazwelonke oholwa yi ANC ethule isabelomali sonyaka weshumi nantathu. Iqembu eliphikisayo leIFP liyasemukela lesisabelo mali esilandela emgudwini walezo ezingaphambili. Siphawula ukukhomba ukubaluleka kokuthuthukisa umnotho nokubhekana nosizi lwabampofu ezweni lakithi. Akekho ongabaza izinhloso ezinhle zikahulumeni. Kusala umbuzo othi kazi lezizinhloso namaphupho kuyowenza yini umehluko noguquko laphaya phansi kubantu? Asikaze sizingabaze izinhloso ezinhle zikahulumeni. Siphikisa ukungafezeki kwephupho lokwenza ngcono impilo yabantu.

Akwenele ukuzincoma kukahulumeni ngalokho akwenzela khona. Kumqoka ukuba kubenobufakazi empilweni yakho. Uhulumeni wezwe lakithi ukhuthalele ukwenza umsindo ngezibalo (statistics). Lohulumeni uzishayela ihlombe ngalokho asekwenzile kusukela ngo -1994: ukwakhiwa kwezindlu, izikolo nemitholampilo eduze nawe? Ngabe uhulumeni usekuhlinzeke ngekhaya elinamanzi, ugesi nokunye?
Ngabe lezizinguquko kazilandelwa yini yizakhiwo ezingakhekile? Sibabaza isimo sokunqamuka kukagesi namanzi?

Ukuphendula lemibuzo ngobuqotho kuyonikeza isiqinisekiso sokuthi lohulumeni uyazihlangabeza yini izidingo zabantu. Ukuphendula lemibuzo kuyocacisa ukuthi lohulumeni uyasihlonipha yini isiqu somuntu noma ubuka umuntu njengengxenye yezibalo (statistics).

Thina be IFP asikaze sizikhohlise ngokuthi uguquko oluphelele luyiphupho elingafezeka ngosuku. Siyakwemukela ukuthi ukuxhamazela kuhambisana nalokhu
okulandelayo: izakhiwo ezibhidlikayo, amapayipi amanzi nendle avuzayo kanye nokufakelwa kukagesi okubeka umphakathi engozini. Ngabe lesisimo sokwehluleka kukahulumeni sikukhumbuzani? I- IFP ikholelwa ekukhuthazeni abantu ukuba bazisize futhi bazethembe. I- IFP ikhuthaza ukuba umuntu azakhele yena umuzi wakhe. I-IFP ithi uhulumeni akalekelele abantu ngemali nobuhlakani bokuzakhela izindlu zabo. Ukwenze njalo kuyokwenza omkhulu umehluko empilweni yabantu.

nguDokotela Lionel Mtshali ilungu lePhalamende leSifundazwe UMholi weQembu Eliphikisayo


Contact: Dr Lionel Mtshali, 083 256 4902