ISIMEMEZELO
SOMGOMO
(MANIFESTO)
| Indlela iQembu LeNkatha
Yenkululeko elizokwenza ngayo Yenkululeko elizokwenza ngayo iNingizimu ne-Afrika ibuseke |
Siphila ezweni elinamathuba amakhulu. Kaligcini nje ngokuba yizwe elihle, elivusa amadlingozi nelivumela izinguquko, kepha liyizwe esidinga ukuhlangana kulo sibhekane nezinselelo eziningi ezisigqolozeleyo njengoba sizakhela izwe elingcono nje thina nezingane zethu kanye nabazukulu bethu.
Kepha iNingizimu ne-Afrika iqhelelene kakhulu nokuba yizwe elingenasici. Lisakhungethwe yizinkinga ezijulileyo. Likhungethwe ukuntuleka kwemisebenzi. Likhungethwe ngubugebengu. Likhungethwe ngubuphofu. Likhungethwe yizifo. Likhungethwe ngukukhohlakala.
Kuyinto efanele ukusidalela ukukhathazeka sonke ukuthi eminyakeni emihlanu nje ngemuva kokhetho olwaba yingqophamlando luka-1994, liyakhula izinga labantu bezwe lakithi lokungabaza ikhono lombuso wethu omusha wentando yeningi lokwethula ezigabeni ezimqoka eziningi kangaka. Imisebenzi ilahleka ngejubane elesabekayo kanti lunjalo nje lolukhondolo luyaqhubeka. Njengoba ubugebengu sebusiphunyuke ngokupheleleyo nje, iNingizimu ne-Afrika isinegama elibi njengenhlokodolobha yobugebengu emhlabeni wonke. Okungephezu kwalokho, okudala ukukhathazeka kakhulu ukuthi umuntu akakwazi ukuxazulula isimo esibucayi sobugebengu ngaphandle kokubhekana nesimo esibucayi ekudalweni kwamathuba emisebenzi. Ukukhohlakala kuyoyonke imikhakha yomphakathi kungububi obungena isinyenyela nobusabalala ngejubane elethusayo. Impilo iya ngokuya ibanesihluku futhi ibanzima ngezindlela eziningi kubobonke abantu baseNingizimu ne-Afrika.
Lokhu kufanele kubeyinto engemukelekiyo kini njengoba ingemukeleki kimi naseqenjni
engiliholayo.
Nala sikwemukela ukuthi izinkinga eziningi ezisikhungetheyo njengamanje zisukela
esikhathini esidlule futhi kungagxekwa sona ngazo, siyafika isikhathi lapho kufanele
sipheze khona ukufakazela ukwehluleka kwethu ukwethula ngokubeka izaba zezinkinga
esazishiyelwa yisikhathi esidlule. Siyafika isikhathi lapho sidinga khona ukwehlulela
uhulumeni ngempumelelo nokwehluleka kwakhe ngesikhathi ephethe amatomu. Lesosikhathi
sokwehlulela yimanje. Uma uhulumeni ophethe amatomu njengamanje ehluleka ukubhekana
nezinkinga, kusho ukuthi sekuyiso isikhathi sokuguqula uhulumeni.
|
 |
[Phezulu] [Imisebenzi] [Ubugebengu] [Guhulumeni Owethulayo] [Imfundo] [Imigomo] [Indlela eya Phambili]
| Ekwenzeni iNingizimu ne-Afrika ukuba ibuseke: |
- sizozihlela kabusha izidingo zabantu abangasebenziyo, ikakhulukazi ekusukeleni izindaba ezivimbela ukudalwa kwemisebenzi;
- sizokhuthaza amakhono kwezamabhizinisi nokusungulwa kwamabhizinisi amancane azosebenza njengezinjini zokudala imisebenzi;
- sizonciphisa imithetho elawula izimakethe zezisebenzi ukuze kubelula kubantu ukuqasha abanye nokuba bafumane ukuqashwa;
- sizoqalisa izinhlelo zemisebenzi yomphakathi edinga izisebenzi eyenziwa esikhathini esifushane;
- sizobuyisela impahla kahulumeni ezandleni zemikhakha ezimeleyo ibese kusetshenziswa ingxenye yenzuzo ekudaleni imisebenzi emisha;
- sizokhuthaza amazwe angaphandle ukuba andise izimali azitshala kulelizwe; futhi
- sizodinga ukuba yonke imithetho ihambisane nohlelo oluzimeleyo lokucwaningwa kwegalelo lokuqashwa oluzokhomba noma imithetho eshaywayo iyakulekelela yini ukudalwa kwamathuba emisebenzi..
[Phezulu] [Umlayezo Womntwana Umengameli]
[Ubugebengu] [Guhulumeni Owethulayo] [Imfundo] [Imigomo] [Indlela
eya Phambili]
| Ekwenzeni iNingizimu ne-Afrika ukuba ibuseke: |
- sizosebenzisa wonke amalungiselelo akhona ekulweni nobugebengu;
- sizokwenza-ngcono amaholo, izimo zokusebenza nokuviviswa kwamalungu oMbutho Wamaphoyisa WaseNingizimu ne-Afrika (SAPS), ngenkathi kuncishiswa izinga lokuphutha emsebenzini nokuntuleka kwamakhono ngaphakathi;
- sizohlela kabusha amalungelo ezinkubele zobugebengu siwabeke ngaphambi kwawezigebengu;
- sizoqinisa isandla ezigebengwini, sekuhlangene nokumiswa kwezigwebo ezinyanzelayo emacaleni athile enziwa ezinganeni, abesifazane nasemaphoyiseni;
- sizoqinisa amandla nekhono likahulumeni wesifundazwe nowasekhaya ekuqondiseni umsebenzi wobuphoyisa ezifundazweni;
- sizoqeda umoya wombusazwe emsebenzini wobuphoyisa; futhi
- sizokwenza inhlolovo ngesigwebo sentambo.
[Phezulu] [Umlayezo Womntwana Umengameli] [Imisebenzi] [Guhulumeni Owethulayo] [Imfundo] [Imigomo] [Indlela eya Phambili]
| Ekwenzeni iNingizimu ne-Afrika ukuba ibuseke: |
- sizowuhlela kabusha umsebenzi kahulumeni ukuze kwandiswe imali esetshenziselwa ukwethula ngqo;
- imisebenzi eminingi eyenziwa nguhulumeni njengamanje sizoyabela imikhakha engaphandle kukahulumeni lapho izokwenziwa khona ngekhono elingcono ngaphandle kokulahleka kwemisebenzi;
- sizoqondana ngqo nangaphandle kokuncenga nalabo abasebenzisa izikhundla zabo zokusebenzela umphakathi ngenjongo yokuzihlumisa bona;
- sizokwenza ukuba yonke imisebenzi kahulumeni ihlolwe yizingcwepheshi ukuthi yenziwa ngokuyikho yini;
- sizofaka zonke izisebenzi zikahulumeni zezinga eliphezulu ohlelweni lwezivumelwano ezisekeleke emkhiqizweni wokusebenza kwazo;
- sizohlinzeka uhulumeni ngamandla okusebenza emikhakheni kahulumeni wasekhaya nowezifundazwe ukuze ethule kangcono kubantu, kuncishiswe izinga, ubukhulu namalungiselelo kahulumeni omkhulu;
- sizokwenza wonke amazinga kahulumeni ukuba asungule izindlela zokuqoqa imali yayoyonke imisebenzi ehlinzekwayo;
- sizosheshisa uhlelo lokuhlinzekwa kwezindlu, sidale namathuba amaningi okutholakala kwezindlu abantu abayokuba namandla okuzikhokhela kunalesisimo esikhona njengamanje; futhi
- sizozihlela kabusha izinhlelo zokulwa nobuphofu ezindaweni zasemadolobheni nakwezasemakhaya.
[Phezulu] [Umlayezo
Womntwana Umengameli] [Imisebenzi] [Ubugebengu]
[Imfundo] [Imigomo] [Indlela
eya Phambili]
EImfundo isesimeni esibucayi, kepha ukubumbuthela imali kuyo kakusilo ikhambi lokuxazulula inkinga. Impela, njengoba imiphumela ivamise ukufakaza, umbandela omqoka kunayoyonke ekukhiqizeni imiphumela emihle kuvamise ukuba kube ngumoya wabafundisi nabafundi esikhundleni sokwabiwa kwamalungiselelo nje.
| Ekwenzeni iNingizimu ne-Afrika ukuba ibuseke: |
- sizobuyisela inhlonipho nokulalela emfundweni, siqede isimo sezinxushunxushu zokungabuseki noma kunini lapho lomkhuba uveza khona ikhanda lawo elibi;
- sizokwenza abafundisi ukuba bahloniphe uhlelo oluqinileyo lokuziphatha;
- sizosheshisa ukukhushulwa kwezinga lokuviviswa kothisha;
- sizoluhlela kabusha uhlelo lwezifundo ukuze lulekelele umnotho;
- sizoqinisa ukuhlanganyela komphakathi nabazali ekubusweni kwezikole;
- sizodala izinhlelo zokukhuthaza ukuphatha okunekhono emfundweni ukuze isebenzele
imiphumela emihle.
[Phezulu] [Umlayezo Womntwana Umengameli] [Imisebenzi] [Ubugebengu] [Guhulumeni Owethulayo] [Imigomo] [Indlela eya Phambili]
INingizimu ne-Afrika iphezu kwedwala elishelelayo ngezindlela eziningi maqondana nezimilo. Siya ngokuya sibekwa njengezwe elinezimpawu zemigomo ebuthakathaka, ukuzithokozisa, ukukhohlakala emkhakheni womphakathi nasemkhakheni ozimeleyo, isiko lokulindela ukwenzelwa, ukwenzelelana ngobungani nokufunela izihlobo izikhundla, konke okungabikezeli lutho oluhle ngekusasa.
| Ekwenzeni iNingizimu ne-Afrika ukuba ibuseke: |
- sizoxoxisana nezinhlangano zenkolo nezamasiko ukukhuthaza ukuvuselelwa kwesimilo somphakathi, ikakhulukazi phakathi kwabantu abasha naphakathi kwemikhakha yomphakathi nezimeleyo;
- sizosungula izifundo ngezindaba zezakhamizi kanye nezobuntu ezinhlelweni zezifundo ezikoleni zethu;
- sizofuna amazinga aphezulu kunawowonke okuthembeka nenkuthalo emkhakheni womphakathi sivikele nalabo abaqwashisa ngezenzo ezingekho emthethweni;
- sizokhuthaza inhlonipho nokulalela, ukuzisiza nokuzethemba; futhi
- sizosungula izinyathelo zokuvikela abesifazane nezingane ekunukutshezweni.
[Phezulu] [Umlayezo Womntwana Umengameli] [Imisebenzi] [Ubugebengu] [Guhulumeni Owethulayo] [Imfundo] [Indlela eya Phambili]
Naphezu kobunzima bethu obuningi, thina, sikanye nabobonke abanye abantu baseNingizimu ne-Afrika bentando enhle, sisenalo ithemba futhi siyaziqhenya ngalokho esikufezileyo. Kepha ngenkathi sonke sikuvuma lokhu, ngendlela efanayo kufanele sikwemukele ukuthi kusekuningi okusadinga ukwenziwa.
Okokuqala nokumqoka, okudingwa yiNingizimu ne-Afrika
uhlelo lokuhlanganisa igebe elikhulu eliphakathi kwethemba nesimo esiyiso. Ithemba
kaliyihlinzeki imisebenzi. Ithemba kaliwondli umndeni olambileyo. Ithemba kalimvikeli
umuntu ebugebengwini.
Lokho okwake kwaba yizulu lasemhlabeni kwabambalwa sekufanele kubeyizulu lasemhlabeni
kubobonke labo abazimisele ngokunikela ekwakhiweni kwezwe. Sifuna umphakathi
onokunethezeka kwezomnotho nonesimo esizinzileyo enhlalweni yomphakathi, lapho iziqhingi
ezikhona njengamanje zenqubekela-phambili, ubucebi nentuthuko zinwetshwa khona ukuba
zihlangabezane nalolonke ulwandle lwezidingo nokuntula okuyingqikithi
okungahlangatshezwana nakho nokusagubuzele iningi lomphakathi wethu.
Kepha lokhu kakukwazi ukufezwa ngaphandle kohlelo lokusebenza, uhlelo, ikakhulukazi, okuzodingeka ukuba lukhombise izinyathelo ezinqala nezinqumo okungenzeka ukuba zingathandeki nxa luzophumelela ukulungisa izinkinga esibhekene nazo. Uhulumeni olandelayo weNingizimu ne-Afrika kufanele akunciphise ukugxilisa umqondo wakhe emicabangweni nasemithethweni engenasimo, kepha aqinise ekufezeni nasekwethuleni.
Nxa sesikhethwe njengeqembu eliyiningi ePhalamende, sizogxila ezinhlangothini ezintathu ezingukhiye ekwethuleni ikhono likahulumeni, ukukhiqiza kwezomnotho nesimo esizinzileyo ezingeni lomphakathi. Lana ngamatshe amathathu ayisisekelo sohlelo lwethu lokusebenza. Ukubhekana nalokhu kuyobeka izisekelo zeNingizimu ne-Afrika ephumelelayo kulenkulungwane yeminyaka ezayo.
Kepha ngabaholi abaqatha nabazinikeleyo abakuhulumeni abangafeza loluhlelo, kanti futhi
yiQembu LeNkatha Yenkululeko kuphela ngaphansi koMengameli walo eliqatha ngokweneleyo
nelizinikele ngokweneleyo ukwenza lokho okufanele ukwenziwa.
|
 |
[Phezulu] [Umlayezo Womntwana Umengameli] [Imisebenzi] [Ubugebengu] [Guhulumeni Owethulayo] [Imfundo] [Imigomo]